ساعد نفسك.. تساعد بلدك

الظروف صعبة عالمياً.. أكيد!! واحنا فى مصر فى قلب الحدث.

لما تقرأ دستور المصرى القديم تنبهر وتحس قد أية كان المصرى القديم بيحب بلدة وبيحب المجتمع من حولة والطبيعة، وبيمنع نفسة من الخطأ فى حق المجتمع والدولة اللى هى المجتمع الأكبر "قوانين ماعت الـ 42"

والمصرى حديثا لا يقل عظمة وتقديراً للأحداث الجارية عن جدودة القدماء.. طب ازاى نساعد نفسنا وبالتالى نساعد بلدنا؟

#ساعد_نفسك_تساعد_بلدك

توفير الكهرباء:

ـ إطفاء الأضواء الغير مستخدمة مش فى بيتك بس لكن فى الشارع والنادى والجيم والمدرسة والجامعة

ـ ازالة جميع مقابس الاجهزة الكهربائية قل النوم (زى التلفزيون والدش)

ـ ازالة شواحن الموبايلات من مشتركات الشحن فور الانتهاء من شحن الاجهزة

ـ تغير اى أضاءات قديمة بمصابيح ليد حديثة موفرة للكهرباء

ـ فى حالة الصيف، تشغيل مكيفات الهواء على درجة حرارة 24 – 28 درجة مؤية مش اقل من كدا

ـ إطفاء اى اجهزة غير مستخدمة فى المنزل ونزع مقبسها من الكهرباء

ـ إطفاء سخان الكهرباء بصفة مستمرة وايقادة قبل الاستحمام بفترة كافية

ـ خفض درجة حرارة ثرموستات السخان الكهربائى لسرعة الفصل، ودا كفيل بتقليل فاتورة الكهرباء الخاصة بك بنسبة 4% تقريباً لكل درجة يتم تخفيضها (وفقا لدراسة منظمة المستهلكين في بريطانيا)

توفير الطاقة والغاز:

ـ لو عندك سخان غاز بشعلة مستمرة، اغلق الشعلة وافتحها عند الاستخدام فقط

ـ لو احتياجات منزلك قريبة من البيت... اتمشى واشترى اللى انت عاوزة ومتاخدش العربية

ـ الاشتراك مع زملاء العمل فى الذهاب الى مقر العمل بالتبادل يوميا او اسبوعيا بحيث يتم استخدام سيارة واحدة فقط

ـ تقليل وقت الاستحمام لتوفير الغاز او استهلاك الكهرباء (بين 5 الى 8 دقائق على الأكثر)

ـ اى حاجة بتعملها فى مطبخك بتستخدم غاز كتير، حاول تستغنى عنها اليومين دول

توفير المياة:

كل نقطة مياة بتوفرها فى بيتك، مصر محتاجاها مش بس علشان ندرة المياة، لكن أيضا لأن معالجة مياة الشرب بتحتاج طاقة وايضا معالجة الصرف الصحى بيحتاج طاقة أكبر .. فتوفير المياة هو توفير للطاقة

توفير الطعام:

لازم كلنا يكون عندنا ثقافة اننا نشترى على قد استهلاكنا ومنرميش اى طعام (دا كان جزء من دستور المصرى القديم) وأيضا كل الخضروات والفاكهة اللى بنستهلكها بتحتاج اسمدة للنمو (يعنى غاز وكهرباء لتصنيع هذة الاسمدة) ولو احنا استهلكنا باعتدال، ففائض الخضروات والفاكهة وغيرهم هيروح للتصدير.. وبالتالى عملة صعبة تدخل الى المصدرين، ومن ثم الدولة تقدر تشترى الوقود المطلوب للصناعة.

كل النقاط اللى كتبتها وحاجات تانية كتير ممكن اكون نسيتها، هتوفرلك كتير جدا من مصاريفك الشهرية، وكمان هنقدر نساعد بلدنا مصر تمر بسلام المرحلة دى ... وبأذن اللة هتمر بسلام.

تحياتى للجميع وارجو محدش يزعل من كلامى